Iinkonzo Zokubeleka

INKCAZELO:

Oomama bangabelekela kwiikliniki ezisisigxina okanye kumaCandelo okuBelekisa, aqhutywa ngababelekisi ekuhlaleni kubaguli bamaziko ezonyango. Ukuba kuthe kwakho iingxaki ngethuba lokubeleka, baya kuthi bathunyelwe kwisibhedlele esingentla. Oomama abanentsholongwane kaGawulayo bangazibandakanya nenkonzo Yokuthintelwa Kokudluliselwa Kwentsholongwane Ukusuka Kunina Ukuya Elusaneni 1/1].

Oomama abakhulelweyo bayakhuthazwa ukuba beze nabakhaphi xa besiza kubeleka (umyeni/umhlobo/isizalwane), abaziwa ngokuba zii-'doula', ukubancedisa ngethuba lokubeleka. Kuye kwafumaniseka ukuba oomama abahamba nabakhaphi baye bafune amayeza ambalwa eentlungu kuba besiva inkxaso. Oomama bangacela indawo yokuhlala (umzekelo, ukuchopha) ebenza bazive behleli kakuhle ngolona hlobo.

Iziko lezempilo liye linike bonke oomama itshathi ebizwa ngokuba yiTshathi yeNdlela esingisa eMpilweni (i-RTHC ngamafutshane kwisiNgesi) akuba umntwana ezelwe. Eli khadi ligcinwa ekhaya yaye kufuneka linikezelwe kumongikazi kutyelelo olulandelayo lwasekliniki. Eli khadi yingxelo eqhubekekayo engempilo yomntwana ukusukela ekuzalweni kwakhe ukuya kutsho kwiminyaka emihlanu ubudala.

IMIYALELO:

Ukuba utyelela okokuqala kwicandelo lezonyango, kuza kufuneka ugcwalise ifomu uze uvulelwe uqweqwe lokugcina amaphepha. Yiza nencwadana yakho yesazisi, nalo naliphi na iyeza okanye iipilisi ozisebenzisayo, kunye nekhadi lakho lasekliniki okanye elasesibhedlele, ukuba wawusele ubhalisile ngaphambili kwicandelo elo lezonyango. Yiza nekhadi lomntwana elibizwa ngokuba yiTshati yeNdlela esingisa eMpilweni, ukuba unayo.

IBONELELWA LISEBE:

ICANDELO LIKARHULUMENTE:	Isebe Lezempilo (uRhulumente Wephondo leNtshona Kapa)
IXABISO:	Iinkonzo zifumaneka mahala

Umxholo okweli phepha wagqibela ukuhlaziywa nge- 2 uEpreli 2004

Isigama Esinokusetyenziswa | uMgaqo-nkqubo Wemfihlelo | Ilungelo Lobunini

I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe